რელიგიის საკითხთა სახელმწიფო სააგენტო კრიტიკის სამიზნე ხდება.

ქართველ მუსლიმთა კავშირის ხელმძღვანელი ამბობს, რომ კონფლიქტური სიტუაციის დროს სააგენტო მხარეს წარმოადგენს და დამატებით დაბრკოლებას ქმნის.

პრემიერის დაქვემდებარებაში არსებული ორგანოს მიმართ პრეტენზიები აქვს არასამთავრობო ორგანიზაცია ,,ი-ემ-საც”, რომელიც ქვეყანაში რელიგიის თავისუფლების თემაზე სპეციალურ ანგარიშს აქვეყნებს.

კვლევის ავტორები ხელისუფლებას რელიგიური უმცირესობების მიმართ დისკრიმინაციულ მიდგომაში ადანაშაულებენ.

დასკვნაში საუბარია ინციდენტების გამოძიების დროს არასათანადო სამართლებრივ რეაგირებაზეც.

„ი-ემ-სის" შენიშვნებს რელიგიური ორგანიზაციების ნაწილიც ეთანხმება.