მმართველმა გუნდმა პრეზიდენტის შეთავაზება არ მიიღო. გიორგი მარგველაშვილი სახელმწიფო საკონსტიტუციო კომისიის თანათავმჯდომარე არ იქნება.
ჯგუფი სამი წლის წინ არსებული ფორმატით შეიქმნება და მას პარლამენტის თავმჯდომარე უხელმძღვანელებს. გაწერილია ვადებიც: კომისიას კონსტიტუციაში შესატან ცვლილებებზე სამუშაოდ დრო 30 აპრილამდე აქვს.
გადაწყვეტილებას უკვე მოჰყვა ნეგატიური რეაქცია ავლაბრის სასახლიდან. პრეზიდენტის მრჩეველი ირაკლი კობახიძეს ვიწრო პარტიული ინტერესების გატარებაში ადანაშაულებს.
ამ მხრივ ,,ქართულ ოცნებასთან” კითხვები აქვს საპარლამენტო და არასაპარლამენტო ოპოზიციასაც, რომელიც კომისიაში ჩასართავად მზად არის.
თუმცა, ოპონენტების ნაწილი გარკვეულ პირობებს აყენებს. ცნობილი ხდება ქვეყნის უზენაეს კანონში შესატანი ერთ-ერთი ცვლილებაც, რომლის განხილვა, სავარაუდოდ, ახლად დაკომპლექტებულ კომისიას მოუწევს.