რუსული მხარე საქართველოს ვიზალიბერალიზაციასთან დაკავშირებით ბრიუსელში მიღებულ ბოლო გადაწყვეტილებას აკრიტიკებს.

დუმის დეპუტატი ევროკავშირთან უვიზო მიმოსვლის ამოქმედებას სატყუარად აფასებს.

ე.წ. შეჩერების მექანიზმის საბოლოო ვარიანტზე შეთანხმების შემდეგ რამდენიმე პროცედურა რჩება -მომდევნო კვირას დაგეგმილი სამმხრივი მოლაპარაკებები, შეთანხმებული რეგულაციის კენჭისყრაზე გატანა და ბოლოს საქართველოსთვის უვიზო რეჟიმის დაწესების საკითხის კენჭისყრა.

რაც შეეხება საბოლოო თარიღს, დარჩენილი პროცედურების გათვალისწინებით, ოფიციალური თბილისი ვიზალიბერალიზაციის ამოქმედებას მომავალი წლის პირველ ნახევარში ვარაუდობს.