თურქეთისა და რუსეთის პროფილური უწყებები, ენერგო-მატარებლებით ვაჭრობისას, ანგარიშსწორების ეროვნულ ვალუტაში გადატანას აპირებენ.

ამის შესახებ თურქეთის ენერგეტიკისა და ბუნებრივი რესურსების მინისტრმა განაცხადა. ინფორმაციას რუსული სააგენტო "რია-ნოვოსტი" ავრცელებს.

მინისტრის განმარტებით, თურქეთი ენერგოპოლიტიკაში ახალ ერას იწყებს და იმ ქვეყნებთან ვისთანაც დიდი მოცულობით ენერგომატარებლებით ვაჭრობს, ანგარიშსწორებას ეროვნულ ვალუტაში მოახდენს. პირველი ნაბიჯი კი რუსეთთან გადაიდგმება.