სასმელი წყლის პრობლემა ვარკეთილში, ჯავახეთის 68-ში მცხოვრებ დევნილებს, რომლებიც წლებია კერძო საკუთრებაში არსებულ ფართებს იკავებენ, ერთი თვეა წყალი არ მიეწოდებათ. 30-მდე ოჯახი წყალს მიმდებარე ეზოებიდან იღებს.

დღეს არსებულ ვითარებას ადგილზე გაეცნენ უძრავი ქონების მესაკუთრე, დევნილთა და განსახლების სამინისტროსა და წყალმომარაგების კომპანიის წარმომადგენლები.

დევნილთა სამინისტროში აცხადებენ, რომ წყალი მესაკუთრემ, შპს “ქვატმა” გადაკეტა, რაც მისი უფლებაა.

სამინისტროს ინფორმაციით, ამჟამად კერძო მესაკუთრესა და წყალმომარაგების კომპანიას შორის მოლაპარაკებები მიმდინარეობს და თუკი დევნილები გრაფიკით წყლის მიწოდებას დათანხმდებიან, მათ წყალმომარაგება აღუდგებათ.