რუსეთის სახელმწიფო ნავთობკომპანია "როსნეფტში" ინვესტორები შედიან. როგორც "ბი-ბი-სი" იუწყება, კრემლმა "როსნეფტის" აქციების თანაბარი რაოდენობა -19.5-19.5 პროცენტი, ანგლო-შვეიცარულ კომპანია გლენკორსა და ყატარის სუვერენულ ფონდს მიჰყიდა.

თითოეული ინვესტორი აქციების პაკეტში 11,3 მილიარდ დოლარს იხდის.

რუსეთის პრეზიდენტის, ვლადიმერ პუტინის განცხადებით, ეს 2016 წლის უმსხვილესი საპრივატიზაციო გარიგებაა და ასევე უმსხვილესი ყიდვა-გაყიდვის ტრანზაქცია ნავთობისა და გაზის სექტორში.

"როსნეფტში" 19.75 პროცენტს ბრიტანული ენერგოგიგანტი "ბი-პი" ფლობს, ხოლო საკონტროლო პაკეტი ისევ კრემლის ხელში რჩება.