ვინ უხელმძღვანელებს საკონსტიტუციო კომისიას - საკითხზე საპარლამენტო უმრავლესობაში კონსულტაციები მიმდინარეობს.

მმართველ გუნდში აცხადებენ, რომ კომისიის თავმჯდომარედ შესაძლოა, ირაკლი კობახიძე დასახელდეს.

რაც შეეხება გიორგი მარგველაშვილის თანათავმჯდომარეობის საკითხს, საპარლამენტო უმრავლესობაში განმარტავენ, რომ პრეზიდენტს საკანონმდებლო ცვლილებების ინიცირების უფლება არ აქვს, რის გამოც მარგველაშვილი კომისიას ვერ უხელმძღვანელებს.

მმართველ გუნდში აცხადებენ, რომ საკონსტიტუციო კომისიის მუშაობაში ყველა დაინტერესებული ინსტიტუტი და მხარე ჩაერთვება.

კომისიის ფორმატსა და საქმიანობასთან დაკავშირებით კონსულტაციები უკვე დაწყებულია.