10 369 338
ნახვა
27 783
ვიდეო

გვენეტაძე გალარებაზე: ეს არის სავალუტო რისკისაგან დაზღვევის საშუალება

გაზიარება შექმენი ლუპი
დეკემბერი 6, 2016
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„გარკვეულწილად მოხდა გალარებისა და ლარიზაციის აღრევა. გალარება ეს არის ის ერთჯერადი სოციალური პროექტი, რომლის დაფინანსებასაც მთავრობა აპირებს“, - ამის შესახებ ეროვნული ბანკის პრეზიდენტმა საზოგადოებრივის გადაცემა „მთავარში“ განაცხადა.

„ეს კეთდება იმისათვის, რათა იმ მსესხებლებს, რომლებსაც აღებული ჰქონდათ სესხი 2015 წლის 1-ელ იანვრამდე და რომელთაც ყველაზე ძალიან განიცადეს ლარის გაუფასურებისაგან მიღებული შედეგები, გარკვეულად შეუმსუბუქდეთ ​ტვირთი. არის ძალიან ბევრი წუხილი იმასთან დაკავშირებით და იმ ადამიანების წუხილი, რომლებსაც ზუსტად ეს დაემართათ, რადგან აღებული ჰქონდათ სესხი დოლარში, ხელფასს იღებენ ლარში. აქედან გამომდინარე, ჩაფიქრებული იქნა ის ერთჯერადი აქცია, რომელიც სხვა ქვეყნებშიც ყოფილა გამოყენებული და საქართველო ამ მიმართულებით უნიკალური არ არის”, - აღნიშნა კობა გვენეტაძემ.

ეროვნული ბანკის პრეზიდენტის განმარტებით, გალარება არის სავალუტო რისკისაგან დაზღვევის საშუალება. მისივე თქმით, სესხების გალარება სავალდებულო არ არის და თითოეულმა მოქალაქემ გადაწვეტილება ნებაყოფლობით უნდა მიიღოს.

კობა გვენეტაძე პროგრამის გარშემო გაჩენილ კითხვებსაც გამოეხმაურა. მან გალარების პროგრამა სტიქიისგან დაზარალებული მოსახლეობის დახმარებას შეადარა.

„ძალიან ბევრი ინტერპრეტაცია იყო იმასთან დაკავშირებით, კარგი არის ეს თუ ცუდი. ერთ-ერთი, მაგალითად იყო ის, ვთქვათ, რატომ უნდა გაკეთდეს ეს სუბსიდირებით, რატომ უნდა გადაიხადოს იმ გადამხდელმა, ვისაც არ აქვს იპოთეკური სესხი, ვიღაცის სესხი. მოდით, სხვანაირად შევხედოთ ამას - მედალს ორი მხარე აქვს. თუ ვიფიქრებთ იმას, რომ ეს არის საზოგადოების ის ნაწილი, რომელსაც ძალიან გაურთულდა ცხოვრება, იმ მიზეზების გამო, რომ გაუფასურდა ლარი, ეს არის ჩვენი საზოგადოების ნაწილი, რომელსაც დახმარება სჭირდება. შევადაროთ მაგალითად - თუ ერთ-ერთ რეგიონში მოხდა სეტყვა, გვალვა ან მეწყერი. ამ დროს სახელმწიფო ეხმარება ამ რეგიონებს, დახმარებას აწვდის და სუბსიდირებასაც აკეთებს. ამ დროს, მგონი, არ გვაქვს განცდა, რატომ ვეხმარებით ჩვენ ამ მოსახლეობას. იმიტომ, რომ მათ ეს სჭირდებათ ამ შემთხვევაში, ეს არის მოწყვლადი ფენა, სხვადასხვა მიზეზის გამო და სწორედ ეს გადაწყვეტილება იქნა მიღებული. ამავე დროს, ის მექანიზმი, რომელიც იქნება შეთავაზებული, მაქსიმალურად ეცდება, რომ მოერგოს ამ მსესხებლის სიტუაციას. ისევ და ისევ, თუ მას სურს ამის მიღება, ის გააკეთებს, თუ არ სურს, არ გააკეთებს. ბევრი საუბარია იმასთან დაკავშირებით, რომ შეიძლება სხვა პროცენტი იყოს მითითებული. რა თქმა უნდა, განსხვავება არის დოლარის პროცენტსა და ლარის პროცენტს შორის და ზუსტად განსხვავება ამ პროცენტებს შორის არის ის საზღაური, ის დაზღვევა, რომლის გადახდაც უნდა მოხდეს იმისათვის, რომ დანახარჯები გახდეს სტაბილური და პროგნოზირებადი“, - განაცხადა კობა გვენეტაძემ.

მისივე თქმით, მთავრობამ გამოიჩინა კეთილი ნება და ეროვნული ბანკი აპირებს, რომ ამ პროექტის განხორციელებაში ტექნიკურად დაეხმაროს.

მაჩვენე მეტი