1 919 151
ნახვა
28 142
ვიდეო

გვენეტაძე: ლარიზაცია ნამდვილად დაეხმარება ქვეყნის უფრო მდგრად და უფრო მაღალ ეკონომიკურ ზრდას

გაზიარება შექმენი ლუპი
დეკემბერი 6, 2016
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„ლარიზაცია ანუ დედოლარიზაცია ეს არის ხანგრძლივი პროცესი და ეს ნამდვილად დაეხმარება მომავალში ქვეყნის უფრო მდგრად და უფრო მაღალ ეკონომიკურ ზრდას“, - ამის შესახებ ეროვნული ბანკის პრეზიდენტმა კობა გვენეტაძემ საზოგადოებრივის გადაცემა „მთავარში“ სტუმრობისას განაცხადა.

„დოლარიზაცია არის ის ფენომენი, რომელიც საქართველოში და ყოფილ საბჭოთა კავშირის ქვეყნებში დარჩა საბჭოთა კავშირის დაშლის შემდეგ და მასთან ბრძოლა საკმაოდ რთული აღმოჩნდა, რადგან ის პერიოდი როდესაც ბანკებში ანაბრების გაუფასურება მოხდა და დოლარი იყო ერთადერთი საშუალება, რომელიც ფულის ფუნქციებს ასრულებდა, მაინც ძალიან დიდხანს წაყვა ქვეყანას. ამიტომ ეროვნული ბანკი 2010 წლიდან უკვე პრაქტიკულად ცდილობდა, რომ დედოლარიზაციაზე ემუშავა და სწორედ ამიტომ მოხდა რეფინანსირების სესხების შემოღება. და რა არის ეს დედოლარიზაცია, რას ნიშნავს? ეს არის ლარში საკრედიტო რესურსების ხელმისაწვდომობა. ეს არ არის თავსმოხვეული პოლიტიკა. ეს არის ის პოლიტიკა, რომელმაც დროთა განმავლობაში უნდა მიგვიყვანოს იქამდე, რომ ლარში აღებული სესხები გაიზარდოს. ეს თავისთავად უკვე იქნება წინაპირობა იმის, რომ მინიმიზირება მოხდეს იმ საგარეო ფაქტორების, რომლებმაც შეიძლება იმოქმედოს და რომლისგან დაცულები არ ვართ. ეს არ არის რაღაც თვითმიზანი, ეს არის ის, რაც დაეხმარება მოსახლეობას, რაც მომავალში უნდა დაეხმაროს ბიზნესს, რამაც ეკონომიკური ზრდა უნდა გახადოს მდგრადი, უფრო მაღალი და რამაც უნდა მოიტანოს უფრო მეტი სამუშაო ადგილების შექმნა, რაც ნიშნავს, რომ მოწყვლადი ფენა საქართველოში შემცირდება”, - განმარტავს კობა გვენეტაძე.

გვენეტაძის თქმით, როდესაც ეროვნული ბანკის საბჭოს წევრად მისი კანდიდატურა განიხილებოდა, საკუთარ პრიორიტეტებს შორის სწორედ ლარიზაცია მიუთითა.

მისივე თქმით, დედოლარიზაციის ყველაზე მნიშვნელოვანი ინგრედიენტი არის მაკროეკონომიკური სტაბილურობა, „ეს არის დაბალი და სტაბილური ინფლაცია, ეს არის კარგი ეკონომიკური გარემო ქვეყანაში, ეს არის მდგრადი ფისკალური დეფიციტი და ბიუჯეტის დეფიციტი ქვეყანაში“.

ეროვნული ბანკის პრეზიდენტი აცხადებს, რომ დედოლარიზაციის მიღწევა მერყევი კურსის პირობებში შესაძლებელია. „რადგან ზუსტად მცურავი კურსი არის ის შოკის მშთანმთქმელი, რომელიც ინვესტორებს ეუბნება, რომ ამ ქვეყანაში არის ის მექანიზმი, რომელიც დაიცავს ქვეყანას, თუ მოხდა უარყოფითი შოკი“.

კობა გვენეტაძის თქმით, უცხოელი ინვესტორები მასთან საუბრისას ხშირად აღნიშნავენ, რომ საქართველოში დოლარიზაციის მაჩვენებელი ძალიან მაღალია და აინტერესებთ, რა ზომების მიღება იგეგმება მის შესამცირებლად.

მაჩვენე მეტი