ორგანიზაცია „მოქალაქისა" და შეფასებისა და გამოცდების ეროვნული ცენტრის წარმომადგენლებმა, ზუგდიდში სამოქალაქო ოლიმპიადის მეორე ტურში გადასული მოსწავლეები დააჯილდოეს.

მათ გადასცეს სიგელები, სამახსოვრო საჩუქრები და წიგნის მაღაზიათა ქსელ „ბიბლუსის" ვაუჩერი.

სამოქალაქო განათლების ოლიმპიადა წელს მესამედ გაიმართა და მასში 28 ათასამდე მოსწავლემ მიიღო მონაწილეობა.

პირველი ტურის შედეგად 2 165 გამარჯვებული გამოვლინდა. ოლიმპიადა სამი ტურისაგან შედგება და მესამე ტურის 20-მდე გამარჯვებული ევროპის სხვადასხვა ქვეყანაში გაემგზავრება ენის კურსებზე.