კონგრესში გამართული კენჭისყრის შემდეგ, ამერიკელი სამხედრო მაღალჩინოსნის მოახლოებული ვიზიტის მიმართ ინტერესი ორმაგდება.
ხვალ, თბილისში ამერიკის შეერთებული შტატების თავდაცვის მდივნის თანაშემწის მოადგილეს ელოდებიან.
სწორედ მისი სტუმრობის დროს უნდა გაირკვეს, რა რაოდენობის ფინანსურ დახმარებას მიიღებს საქართველოს თავდაცვის უწყება ვაშინგტონიდან.
375 ხმით კონგრესის პალატამ დაამტკიცა თავდაცვის ბიუჯეტი, სადაც ჩვენი ქვეყანა ისევ ნახსენებია.
ფინანსურ დოკუმენტში საქართველო მეგობრად და პარტნიორად არის მოხსენიებული და ხაზგასმულია მისი განსაკუთრებული როლი საერთაშორისო უსაფრთხოებაში.
შეფასებების დროს თბილისში განსაკუთრებული აქცენტი იმ გარემოებაზე კეთდება, რომ დონალდ ტრამპის პრეზიდენტად არჩევის შემდეგაც, საქართველოს თავდაცვისუნარიანობის გაძლიერება ოფიციალური ვაშინგტონისთვის კვლავ პრიორიტეტულ საკითხად რჩება.