ნიუ იორკში, როკფელერის ცენტრის წინ, საშობაო ნაძვის ხე გაანათეს. ნაძვის ხის ანთების ცერემონია ტელეკომპანია NBC-ის პირდაპირ ეთერში გადასცეს.

ცერემონიას ათასობით ადამიანი დაესწრო. შოუ მუსიკალური და საცეკვაო ნომრებით გააფორმეს.

შეკრებილებისთვის ცნობილმა ვარსკვლავებმა, მათ შორის, ტონი ბენეტმა და დოლი პარტონმა იმღერეს.

თითქმის 30-მეტრიანი ნაძვის ხის გასანათებლად კი, ღილაკს ხელი მსახიობებმა ალეკ ბოლდუინმა, ქეით მაკინონმა და ნიუ იორკის მერმა დააჭირეს.