გარემოსდაცვითი ინფორმაციისა და განათლების ცენტრში რეგიონული საწრთვნელი სამუშაო შეხვედრა გაიმართა.
შეხვედრის მონაწილეებს გარემოსა და ბუნებრივი რესურსების დაცვის მინისტრის მოადგილემ თეიმურაზ მურღულიამ მიმართა.
შეხვედრა გერმანიის საერთაშორისო თანამშრომლობის საზოგადოების (GIZ) პროგრამის ფარგლებში - კავკასიის რეგიონულ გარემოსდაცვით ცენტრთან (RECC) თანამშრომლობით განხორციელდა.
4 დღის განმავლობაში გერმანელი ექსპერტები კავკასიის წარმომადგენლებს ეკოსისტემების მომსახურების გადასახადების დაწესების მეთოდოლოგიებს გააცნობენ. ასევე, კონკრეტული ქმედებებისა და საპილოტე იდეების შემუშავებაზე იმსჯელებენ, რომელთა რეალიზაციისთვის კავკასიის რეგიონულ გარემოსდაცვით ცენტრთან (RECC) ერთად, გერმანიის საერთაშორისო თანამშრომლობის საზოგადოება (GIZ) იმუშავებს.
შეხვედრას სოფლის მეურნეობის, ეკონომიკისა და მდგრადი განვითარების სამინისტროების წარმომადგენლები, ასევე საქართველოს, აზერბაიჯანისა და სომხეთის რესპუბლიკებიდან ექსპერტები ესწრებოდნენ.