გარემოსა და ბუნებრივი რესურსების დაცვის სამინისტროში ევროკავშირის პროექტის „ერთიანი გარემოსდაცვითი საინფორმაციო სისტემების პრინციპების და პრაქტიკის განხორციელება აღმოსავლეთ პარტნიორობის ქვეყნებში“ ფარგლებში ორმხრივი შეხვედრა გაიმართა.

ორმხრივ შეხვედრას გარემოსა და ბუნებრივი რესურსების დაცვის მინისტრის მოადგილეები ეკატერინე გრიგალავა და მაია ბითაძე ესწრებოდნენ.

შეხვედრაზე მხარეებმა გარემოსდაცვითი ინფორმაციის მართვისა და გარემოსდაცვითი ანგარიშგების სისტემის გაუმჯობესებაზე იმსჯელეს, პროექტის ფარგლებში სამომავლო თანამშრომლობის ძირითადი მიმართულებები და განსახორციელებელი პრიორიტეტული საკითხები განიხილეს.

შეხვედრას ევროპის გარემოს დაცვის სააგენტოს (EEA), ჯანმრთელობის მსოფლიო ორგანიზაციის (WHO), გაეროს ევროპის ეკონომიკური კომისიის (UNECE) და მიწის და მცენარეული საფარის ევროპული თემატური ცენტრის (ETC/ULS) წარმომადგენლები ესწრებოდნენ.