ქალაქ ბოლნისში მიმდინარე და დასრულებული ინფრასტრუქტურული პროექტები დღეს ბოლნისის მუნიციპალიტეტის გამგებელმა დავით შერაზადიშვილმა ქვემო ქართლში სახელმწიფო რწმუნებულ-გუბერნატორთან პაატა ხიზანაშვილთან ერთად მოინახულა.
რამდენიმეთვიანი მუშაობის შემდეგ, მერაბ კოსტავას ქუჩაზე ქვაფენილის მოწყობის პროექტი დასრულდა. დამონტაჟდა თანამედროვე ლამპიონები, რომლებიც მზის ენერგიაზე მომუშავე ელექტროპანელებით აღიჭურვა. განახლდა მწვანე ზოლიც, სადაც 40 ვერცხლისფერი ნაძვი, 60 გართხმული ღვია და 120 დასავლეთის ტუია დაირგო.
ამჟამად ტენდერში გამარჯვებული კომპანია ათონის ქუჩის ერთ ნაწილზე, სადაც არასოდეს არ ყოფილა მოწესრგებული საგზაო ინფრასტრუქტურა, ბოლნისის ბაზალტით ქვაფენილის დაგებას ახორციელებს.
პარალელურ რეჟიმში მიმდინარეობს მოასფალტების სამუშაოები ბოლნისის რამდენიმე ქუჩაზეც. წყალსადენ-კანალიზაციისს და სანიაღვრე სისტემების მოწესრიგების შემდეგ, მოასფალტება ხდება ათონის, წმინდა ნინოს, ილია ჭავჭავაძის და ლადო ასათიანის ქუჩებზე. სამუშაოები ნოემბრის ბოლოს დასრულდება.