#პოლიტიკა

მსოლფიო საფონდო ბირჟები მილიარდერი დონალდ ტრამპის არჩევნებში გამარჯვებას უარყოფითად შეხვდნენ. საერთაშორისო ბაზრებზე რყევები მაშინ დაიწყო, როდესაც რესპუბლიკელი ტრამპი არჩევნებში დაწინაურდა. ამ ინფორმაციას ნავთობის ფასის და ამერიკული დოლარის სხვა წამყვან ვალუტებთან მიმართებაში ვარდნა მოჰყვა. ევრო დოლართან 2%-ით, ფუნტი კი 1%-ით გამყარდა. ამერიკული ვალუტა 3%-ით გაუფასურდა იაპონურ იენთან და 2% შვეიცარულ ფრანკთან. მოულოდნელმა შოკმა აზიურ და ევროპულ საფონდო ბირჟებზე ინდექსების ვარდნაც გამოიწვია. ინვესტორებმა კი რომლებიც გათვლებს ჰილარი კლინტონზე აკეთებდნენ, ტრამპის მოულოდნელი გამარჯვების გამო ინვესტირება ნაკლებრისკიან ოქროში დაიწყეს, რის შედეგადაც მკვეთრად იმატა ოქროს ფასმა.