საქართველოს პრემიერმინისტრი გიორგი კვირიკაშვილი დარწმუნებულია, რომ 9 ოქტომბეს მოსახლეობა უკეთეს საქართველოში იცხოვრებს. ამის შესახებ კვირიკაშვილმა დღეს გამართულ მოქმედი მთავრობის ბოლო სხდომაზე ისაუბრა. პრემიერმა სხდომაზე შინაგან საქმეთა მინისტრ გიორგი მღებრიშვილს მოუწოდა, რომ უწყებამ უზრუნველყოს წესრიგი და თავისუფალი არჩევნებისთვის საჭირო გარემო.
დღესვე მოსახლეობას მიმართა პარლამენტის ჯერ კიდევ მოქმედმა თავმჯდომარემ, რესპუბლიკელმა დავით უსუფაშვილმა. უსუფაშვილმა აღნიშნა, რომ ხვალინდელი საპარლამენტო არჩევნები უპრეცედენტო პოლიტიკური თავისუფლებების პირობებში ტარდება.
წინა საარჩევნო კამპანია ერთიანი ნაციონალური მოძრაობის ლიდერმა დავით ბაქრაძემაც შეაფასა. ბაქრაძის თქმით, ხელისუფლებამ წინასაარჩევნო პერიოდი მოსახლეობის დაშინებასა და გადატრიალებებზე საუბარში გაატარა.
არჩევენების წინა დღეს მოსახლეობას სხვა პოლიტიკური პარტიების ლიდერებმაც მიმართეს. საპარლამენტო არჩევნები ხვალ, 8 ოქტომბერს გაიმართება.