#არჩევნები2016

ხვალ საქართველოს მოსახლეობა პარლამენტის 150 დეპუტატს აირჩევს, აქედან 77 წევრს პროპორციული, 73 წევრს კი მაჟორიტარული საარჩევნო სისტემის საფუძველზე. დღეს ცენტრალური საარჩევნო კომისიის თავმჯდომარემ არჩევნებისთვის მზადების პროცესი შეაჯამა და განაცხადა, რომ არჩევნების ჩასატარებლად საქართელოს მასშტაბით 3645 საარჩევნო უბანი და 55 უბანი საზღვარგარეთ სრულ მზადყოფნაშია. თამარ ჟვანიას თქმით, არჩევნებს საარჩევნო სუბიექტების 42092 წარმომადგენელი და ადგილობრივი და საერთაშორისო ორგანიზაციები დააკვირდებიან და 184 მედიაორგანიზაცია გააშუქებს. ცესკო მოსახლეობას არჩევნებზე მისვლისკენ მოუწოდებს.