ე.წ გახმაურებულ საქმეებზე კონსტიტუციური სარჩელების შეცვლასთან დაკავშირებით, ხელისუფლების წევრებისა და მოსამართლეთა ნაწილის განცხადებებს ინფორმაციის თავისუფლების განვიტარების ინსტიტუტი კვლევით პასუხობს. IDFI-ს მიერ გამოქვეყნებული დოკუმენტის თანახმად ე.წ კაბელებისა და რუსთავი 2-ის საქმეებზე კონსტიტუციური სარჩელების შეცვლას ადგილი არ ჰქონია და ყველა მოსამართლემ სრული ინფორმირებულობის პირობებში მიიღო გადაწყვეტილება სარჩელების არსებითან განსახილველად მიღების შესახებ. ამიტომ ორგანიზაციისთვის საეჭვოა, რატომ ხდება გახმაურებული საქმეების განხილვის გადადება და გაჭიანურება.