საზოგადოებრივი მაუწყებელი, იმედი, მაესტრო და GDS არჩევნების დღეს ეგზიტპოლს ერთობლივად ჩაატარებენ. ეს გადაწყვეტილება 7 სექტემბერს ახრის სამეურვეო საბჭომ უმრავლესობით მიიღო. იმედის, მაესტროს და GDS-ის დაკვეთით კვლევის კითხვარს კომპანია TNC შეადგენს, უშუალოდ გამოკითხვას კი მერაბ ფაჩულიას კომპანია გორბი ჩაატარებს. საზოგადოებრივი მაუწყებლის სამეთვალყურეო საბჭოს ორი წევრი, სულხან სალაძე და ქეთევან მსხილაძე საერთო ეგზითპოლის ჩატარების წინააღმდეგი არიან. მათი შეფასებით, საზოგადოებრივი მაუწყებლის მიერ ნებისმიერ სხვა ტელეკომპანიებთან ერთად ეგზიტპოლის ჩატარება მაუწყებლის სანდოობასა და მიუკერძოებლობას ჩრდილს აყენებს, განსაკუთრებით, იმ დროს, როდესაც ეგზიტპოლი პროსამთავრობო პოლიტიკის მქონე ტელეკომპანიებთან ერთად ტარდება. ქეთევან მსხილაძეს კითხვები კომპანია გორბისთანაც აქვს. სულხან სალაძე კი ამბობს, რომ საეჭვოა ამ მომსახურების ღირებულება, რადგან ფასის აბსოლიტურ ნაწილს იმედი, ჯიდიესი და მაესტრო ფარავენ.