ცესკო-მ პოლიტიკური გაერთიანება კვარაცხელია - სოციალისტები საარჩევნო რეგისტრაციიდან მოხსნა. როგორც უწყებაში განმარტავენ, საჯარო რეესტრის ეროვნული სააგენტოს მონაცემებით, გაერთიანებას არ წარმოუდგენია პარტიის თავმჯდომარე, რაც პოლიტიკური გაერთიანების საარჩევნო რეგისტრაციის გაუქმების საფუძველია.
ცესკო-ს თავმჯდომარის გადაწყვეტილების გსაჩივრება 2 დღის ვადაშია შესაძლებელი.
აღსანიშნავია, რომ ხელმძღვანელი პირების არ არსებობის გამო ცენტრალურმა საარჩევნო კომისიამ 16 აგვისტოს რეგისტრაციიდან მოხსნა ვლადიმერ ბედუკაძის პარტია ცენტრისტები. გავრცელებული ინფორმაციით, 2012 წელს ციხის გახმაურებული კადრების გამავრცელებელი მიმდინარე წლის საპარლამენტო არჩევნებში მონაწილეობას სწორედ ვალერი კვარაცხელიას პარტიის სახელით გეგმავდა.