„მართალია ჩვენ ვართ მცირე ერი, მაგრამ ჩვენ გვაქვს დიდი გული, დიდი სულისკვეთება“
საქართველოს თავდაცვის მინისტრმა ლევან იზორიამ პირველი ოფიციალური ვიზიტი ავღანეთის ისლამურ რესპუბლიკაში გამართა. თავდაცვის მინისტრთან ერთად ავღანეთში „მტკიცე მხარდაჭერის" (Resolute Support) მისიაში მონაწილე ქართული კონტინგენტის მოსანახულებლად გენერალური შტაბის უფროსი, გენერალ-მაიორი ვახტანგ კაპანაძე იმყოფებოდა. დელეგაციას ავღანეთში საქართველოს უფროსმა სამხედრო წარმომადგენელმა, პოლკოვნიკმა ალექსანდრე კიკნაძემ უმასპინძლა.