ეს არ არის ხაინდრავას შემოქმედება, ეს არის ხაინდრავა–ივანიშვილის შემოქმედება.
არავინ არ აპირებს გაექცეს რეალობას და თვალი დახუჭოს ნაციონალური მოძრაობის დროინდელ რეპრესიებზე, უფრო მეტიც, ექსკლუზიურად გაგიმხელთ, რომ ვმუშაობ კანონპროექტზე, რომელსაც ვიქნები თუ არ ვიქნები 8 ოქტომბრის შემდეგ პარლამენტში ვითანამშრომლებ საპარლამენტო ძალებთან ამ კანონპროექტის ასამოქმედებლად.
ვმუშაობ კანონპროექტზე: საქართველოს კანონი ,,2003–2012 წლებში მოქმედი ხელისუფლების მმართველობის დროს სახელმწიფოს მხრიდან განხორციელებული საკუთრების უფლების ხელყოფის ან/და უკანონო ექსპროპრიაციის შედეგად დაზარალებულ პირთათვის სპეციალური სტატუსის მინიჭების, დაზარალებულ პირთა ქონებრივი მდგომარეობის გაუმჯობესებისა და კომპენსირების შესახებ’’.
ეჭვგარეშეა, რომ ხაინდრავას ფილმი ,,ჰეროკრატია'' გადაღებულია 4 წლის თავზე რეიტინგდაკარგული ანუ გაკოტრებული ხელისუფლების ვიწრო პარტიული ინტერესების დაცვის მიზნით. რას ვგულისხმობ ? იმას, რომ კვლავ წარსულში ,,ვბუქსაობთ'' და კვლავ ნაც მოძრაობის დროინდელი რეპრესიული რეჟიმის გახსენების იმედად არის დარჩენილი ქართული ოცნება. ვფიქრობ, აცნობიერებენ ხელისუფლების დაკარგვის საფრთხეს და მზად არიან უგულველყონ საზოგადოების ემოციები და დაამარცხონ ოპოზიცია, ოპონენტი, რომელიც თავად შექმნეს, როგორც მთავარი ოპოზიციური ძალა.
შორს ვარ აზრისგან, რომ გავექცეთ რეალობას და თვალი დავხუჭოთ. არა ბატონებო და ქალბატონებო, არასდროს არ უნდა დავივიწყოთ ისტორია, მათ შორის 2003-2012 წწ-ში მოქმედი ხელისუფლების პირობებში წარმატებული და წარუმატებელი პროექტები და რეპრესიული რეჟიმი. არ უნდა დაგვავიწყდეს ასევე მანამდე არსებული რეჟიმები, ხოცვა-ჟლეტა, პუტჩი და პუტჩისტები, რომლებიც ახლა მორალისტებად გვევლინებიან პოლიტიკაში თუ ხელოვნებაში.

#არჩევნები2016 #ირაკლიღლონტი #რეფორმატორები