ერთიანი ნაციონალური მოძრაობის საგარეჯოს მაჟორიტარი დეპუტატობის კანდიდატი ზურაბ ჭიაბერაშვილი სოფელ იორმუღანლოში იმყოფებოდა, სადაც ადგილობრივებს შეხვდა. მოსახლეობის უმნიშვნელოვანეს პრობლემას თავდაცვის სამინისტროს ტენდერში გამარჯვებული კომპანია „თელეთის ხორცის“ მხრიდან ნაკისრი ვალდებულების არ შესრულება წარმოადგენს. როგორც ადგილობრივები აცხადებენ, კომპანიამ, რომელსაც ჯარის საკვები პროდუქტით მომარაგება ევალება და რომელსაც ისინი ხორცს აბარებდნენ, დაახლოებით 50 000 ლარის დავალიანება აქვს. მიუხედავად არაერთი თხოვნისა, კომპანიის ხელმძღვანელი დავალიანების დაფარვაზე უარს ამბობს და მიზეზად მთავრობასთან მის კონტაქტებს ასახელებს.