ბოლნისის მუნიციპალიტეტის საკრებულომ რიგგარეშე სხდომა გამართა, რომელსაც დეპუტატებთან ერთად მუნიციპალიტეტის გამგეობის სამსახურის ხელმძღვანელები და თანამშრომლები ესწრებოდნენ. საკრებულოს თავმჯდომარემ მუნიციპალიტეტის ხელმძღვანელის მიერ თანამდებობის დატოვების შესახებ გააკეთა განცხადება. პოლიტიკურმა გაერთიანებამ „ქართული ოცნება – დემოკრატიული საქართველომ“ რამდენიმე დღის წინ ბოლნისის მუნიციპალიტის გამგებელი მაჟორიტარი დეპუტატობის კანდიდატად დაასახელა, რის გამოც გოგი მეშველიანმა პირადი განცხადების საფუძველზე თანამდებობა დატოვა. მეშველიანმა ორწლიანი მუშაობა მიმოიხილა და თითოეულ თანამშრომელს გაწეული შრომისა და თანადგომისთვის მადლობა გადაუხადა.
დღეიდან ბოლნისის მუნიციპალიტეტის გამგებლის მოვალეობას კანონის შესაბამისად პირველი მოადგილე დავით შერაზადიშვილი შეასრულებს.