მიმაჩნია, რომ გარემო არ არის სამართლიანი და რათქმაუნდა უზრუნველყოფილი არ არის თანასწორობის პრინციპი.

სამართლებრივი კუთხით, ხელისუფლებამ თვალი დაიბრმავა და ყური დაიყრუა, როცა ოპოზიცია ვმართავდით მათთან შეხვედრებს, ეს იყო ხან პრემიერი, ხან პრეზიდენტი და ხან საპარლამენტო უმრავლესობა და ვთხოვდით საარჩევნო კოდექსის და სისტემის ტრანსფორმაციას. გახსოვთ ალბათ, თითქმის 2 წლის მანძილზე ინტერპარტიული სამუშაო ჯგუფი მოვითხოვდით მაჟორიტარულ–მაფიოზური სისტემის შეცვლას. ამის გარდა გვქონდა არაერთი საკითხი, რომელზეც ზუსტად რომ, ნაცების მსგავსად მივიღეთ იგნორი. ჩვენს მოთხოვნებს მხარს უჭერდა საქართველოს 200 000–ზე მეტი მოქალაქე, თუმცა ესეც არ მიიღეს მხედველობაში და დღეს არჩვნებს ვატარებთ შევარდნაძის დროინდელი სისტემით.


როგორ შეიძლება ვისაუბროთ გარემოს ნორმალურობაზე, როცა ხალხთან ერთად პარტიები ყოველდღე ველოდებით, როდის წაიღებს ხელისუფლება ყველაზე კრიტიკულ და დასავლურ მედიასაშუალებას.

როგორ შეიძლება ვისაუბროთ ნორმალურ გარემოზე, როცა ადამიანებს იბარებენ და მაღალჩინოსნები ატერორებენ თუ ოპოზიციურ პარტიებში არიან.

ფინანსები ხელისუფლებას, უფასო სარეკლამო დრო ხელისუფლებას, მორჩილებაში მყოფი პროკურატურა, პოლიცია და სასამართლო ხელისუფლებას და თქვენ ვინმეს გგონიათ, რომ ეს არის ნორმალური გარემო ? მაშინ, როცა პროკურატურა, პოლიცია და სასამართლო არ ეკუთვნის ხალხს შეუძლებელია ვთქვათ, რომ ნორმალური გარემო არსებობს.