22 ივლისს ერთიანი ნაციონალური მოძრაობის პოლიტიკური საბჭოს გაფართოვებული სხდომა გაიმართა. სხდომას პოლიტსაბჭოს წევრები, საარჩევნო სიის კანდიდატები, მაჟორიტარული ოლქების კანდიდატები, პარტიის რაიონულო თავმჯდომერეები ესწრებოდნენ. სხდომაზე განხილული იქნა რამოდენიმე საკითხი: 2016 წლის საპარლამენტო არჩევნებისათვის პარტიის პროგრამა, სამოქმედო გეგმა, პარტიის განახლებული ლოგო. ასევე საბოლოოდ დამტკიცდა 2016 წლის არჩევნებისათვის პარტიის საარჩევნო სია. სიით დამტკიცებულ კანდიდატებს მაჟორიტარულ ოლქებში დასახელებული მაჟორიტარული კანდიდატები და რაიონების წარმომადგენლები დაემატებიან. ყველა საკითხი, პოლიტიკურმა საბჭომ კენჭისყრით დაამტკიცა.