სამხედრო საქმისა და ჯანსაღი ცხოვრების პოპულარიზაციის მიზნით, რეკრუტებისა და სტუდენტების მონაწილეობით, ახალციხეში მარათონი გაიმართა. საწყისი საბრძოლო მომზადების ცენტრის ინიციატივით მოწყობილ ღონისძიებაში ცენტრის მეთაური, პოლკოვნიკი მამუკა ქავთარაძე, ინსტრუქტორები, ჯავშანსატანკო სასწავლო ცენტრის ოცეული, ასევე, ახალციხის სტუდენტების საექსპედიციო ჯგუფი, ახალციხის მძლეოსანთა კლუბის ახალგაზრდა სპორტსმენები, ახალციხის მერიის და მუნიციპალიტეტის წარმომადგენლები და სხვა ახალგაზრდები ჩაერთნენ.