#არჩევნები2016
ნაციონალური მოძრაობის მხარდამჭერი ახალგაზრდების ჯგუფის ინიციატივით დღეს გლდანში მოეწყო ფოტოგამოფენა „ახალგაზრდების თვალით დანახული ინფრასტრუქტურული პრობლემები“, სადაც წარმოდგენილი იყო მათ მიერ გადაღებული ფოტოები. ფოტოგამოფენას ესწრებოდა გლდანში მცხოვრები მოსახლეობა, ასევე მოწვეული იყვნენ გლდანის მაჟორიტარი დეპუტატობის კანდიდატი სერგო რატიანი, ერთიანი ნაციონალური მოძრაობის ლიდერები ირმა ნადირაშვილი, გიორგი ტუღუში და რომან გოცირიძე.
ფოტოგამოფენაზე წარმოდგენილი იყო გლდანში მოუწესრიგებელი გზების, მოუვლელი სტადიონებისა და სკვერების, სადარბაზოებისა და სხვა ინფრასტრუქტურული პრობლემების ფოტოები.
შეხვედრაზე ერთიანი ნაციონალური მოძრაობის ლიდერებმა მოსახლეობას პარტიის სამოქმედო გეგმა, გლდანის განვითარების კონცეფცია წარუდგინეს და გამარჯვების შემთხვევაში მოსახლეობას აღნიშნული პრობლემების მოგვარებას დაპირდნენ.