რამდენიმე დღის წინ სოციალური ქსელით აღმაშენებლის ქუჩის 68, 70,72, 74 მრავალბინიანი კორპუსის მცხოვრებლები დაგვიკავშირდნენ და ადგილობრივ ხელისუფლებასთან შუამდგომლობა გვთხოვეს მათ წინაშე არსებული არაერთი პრობლემის მოგვარებასთან დაკავშირებით. ჩვენს შუამდგომლობას მალევე მოჰყვა რეაგირება, მუნიციპალიტეტის გამგებლის დავალებით არქიტექტურისა და ინფრასტრუქტურის განვითარების სამსახურის უფროსი კონსტანტინე კორძაძე და გამგებლის წარმომადგენელი ქალაქ ბოლნისში რუსუდან ავალიანი ე.წ. უსინათლოთა კორპუსის მცხოვრებლებს შეხვდნენ. ბინებამდე მისასვლელი გზა, გადახურვა, სკვერის მოწყობა და ბოლნისის სამოქალაქო რეესტრის სამსახურის მიმდებარე ტერიტორიაზე გარე საპირფარეშოს დადგმა - ეს ის საკითხებია, რომელიც მწვავედ დგას მოსახლეობის წინაშე.

როგორც ინფრასტრუქტურის სამსახურის უფროსმა მოსახლეობასთან საუბრისას განაცხადა პრობლემები, რომლებიც ზემოთ აღნიშნული მრავალსართულიანი ბინების მცხოვრებლებმა დააყენეს, ეტაპობრივად მოგვარდება.