► სამხრეთ სუდანში პრეზიდენტისა და ვიცე-პრეზიდენტის შეიარაღებული დაცვა ერთმანეთს დაუპირისპირდნენ - შეიარაღებულ დაპირისპირებას ბოლოო დღეებში 200-მდე ადამიანი ემსხვერპლა;
► ჩინეთში ტაიფუნი მძვინვარებს, რომელმაც დასახლებებში დიდძალი ნგრევა გამოიწვია. ქარის სიჩქარე ტაიფუნის დროს 100 კილომეტრ-საათს აჭარბებდა, რასაც ღვარცოფი და მეწყერის ჩამოწოლის შემთხვევები დაერთო;
► ტეხასის ერთ-ერთ ციხეში, პატიმრებმა, რომლებმაც შეამჩნიეს რომ მათმა ბადრაგმა მოულოდნელად გრძნობა დაკარგა, საკნის კარი გახსნეს, გარეთ გამოვიდნენ და ციხის პერსონალის ყურადღების მისაქცევად ხმაური ატეხეს;
► ერაყის არმიამ ქვეყნის ჩრდილოეთში ე.წ. ისლამური სახელმწიფოსგან კიდევ ერთი ქალაქი გაათავისუფლა, ეს მნიშვნელოვანი სტრატეგიული გამარჯვებაა, რომლის შემდეგი ნაბიჯიც ქვეყნის სიდიდით მეორე ქალაქის, მოსულის ისლამისტებისგან გათავისუფლებაა;
► რუსული სამხედრო მოიერიშე ვერტმფრენის ჩამოგდების კადრები - რუსული მხარის განცხადებით, მი-25 ტიპის ვერტმფრენის დაღუპვას ქალაქ პალმირასთან 2 რუსი პილოტი ემსხვერპლა;
► სირიელი მეამბოხეების გამშვები პუნქტები, სადაც ათასობით დევნილი იყრის თავს ე.წ. ისლამური სახელმწიფოს მიერ კონტროლირებული ტერიტორიებიდან გადმოპარვის შემდეგ.