ეს არის ძალიან მაგარი პროექტი, ძალიან მაგარი შენობა–ნაგებობა, მაგრამ 1 წუთით მაინც დავფიქრდეთ სახელმწიფომ რომ გადაწყვიტოს მისი გასხვისება გამოჩნდება კი მისი შეძენით დაინტერესებული პირი ?
პასუხი არის მარტივი: ა რ ა !
ეს ქონება პროფილშეზღუდულია და არარენტაბელურია, სამაგიეროდ მისი ექსპლუატაციისა და მოვლა–პატრონობის ხარჯები ქონების მასშტაბებიდან გამომდინარე დიდია და ის მძიმე ტვირთად დააწვება ჩვენს ბიუჯეტს.
მე მახსენდება იგივე ივანიშვილის ციცინათელას პროექტის ამბავი, რომელიც გადასცა გურიის მუნიციპალიტეტს მართვაში, გურიას ეს ცენტრი 10 თვის მანძილზე ჰქონდა დოტაციაზე და ისევ დაუბრუნა ივანიშვილს.
არ მინდა ვინმემ თქვას, რომ უმადური ხალხი ვართ, ნათქვამია ნაჩუქარ ცხენს კბილი არ გაეინჯებაო, მაგრამ ეს ის შემთხვევაა, როცა კბილიც უნდა გავუსინჯოთ და ანალიზიც გავაკეთოთ. ეს არის საჩუქარი ხალხს, თუ ეს არის ტვირთი ხალხს და წინასაარჩევნო აფიორა და მორიგი იაფფასიანი ტრიუკი.
ჩვენ მოვიცვალეთ მოსატყუებელი კბილი, ხელისუფლება და მისი საჭეთმპყრობელი ივანიშვილი ტყუილად ცდილობს ხალხის შეცდომაში შეყვანას.
ივანიშვილი ამ გზით ცდილობს:

1. შექმნას ილუზია, რომ აგრძელებს მეცენატობას და ქველმოქმედებას;
2. ვიდრე საქართველოშია ნებისმიერ დროს ისარგებლებს ამ ქონებით და თან ექსპლუატაციის ხარჯებს გადაგვახდევინებს ხალხს. ეს მილიონობით ლარია ყოველწლიურად.
კიდევ კარგი ეს ქონება არ გადაეცა გაკოტრებულ მხარეს გურიას, კიდევ კარგი მაგდენი მიხვდნენ. აშკარად ეტყობოდა გუშინ პრემიერ კვირიკაშილს, ხასიათი ჰქონდა გაფუჭებული ისეთი უღიმღამო სახით აცხადებდა, რომ ქონება სახელმწიფოს გადაეცა, კვირიკაშვილი არ არის ბრიყვი, ის კარგად ხვდება რა შარშიც ჰყოფს თავს.

აქვე უნდა გავითვალისწინოთ, რომ ეს ქონება მდებარეობს ისეთ ნესტიან ზონაში, როგორიც არის გურია, იქ მუდმივად ნესტია , შესაბამისად ქონება რომ არ გამოვიდეს მწყობრიდან საჭირო იქნება მისი მუდმივი ვინტილირება და კლიმატკონტროლის წარმოება, ეს თავის მხრივ მინიმუმ აორმაგებს შენახვის ხარჯებს, რასაკვირველია ამ თანხასაც იხდის ხალხი.
თუ საჩუქარის გაკეთება უნდა ივანიშვილს, საქართველოს აჩუქოს გაზპრომის წილი ))