► სტამბულში, ათათურქის სახელობის აეროპორტში, ტერორისტული აქტის მსხვერპლთა მოსახსენიებელი ცერემონია გაიმართა;
► ორი ტერაქტი ქაბულში - დაღუპულია 37 ადამიანი. ტერაქტის სამიზნეს ავღანელი პოლიციელების ავტობუსების კოლონა წარმოადგენდა;
► იაპონიაში ერთკვირიანმა გადაუღებელმა წვიმებმა მეწყერსაშიში მდგომარეობა შექმნა - ქალაქ ნაგასაკიში ერთ-ერთი საცხოვრებელი სახლის ჩამოშლის კადრები;
► ბელორუსიის პრეზიდენტი ჩეხეთის საგარეო საქმეთა მინისტრს შეხვდა. პრეზიდენტმა ლუკაშენკომ ხაზი გაუსვა ჩეხეთის მნიშვნელოვან როლს ევროკავშირის ფარგლებში და იმედი გამოთქვა, რომ შეხვედრა წაახალისებდა ორი ქვეყნის თანამშრომლობას ევროსტრუქტურებთან ინეგრაციის კუთხით განხორციელებულ პროექტებში;
► აშშ-ის თავდაცვის მდივანმა ეშტონ კარტერმა გააუქმა პენტაგონის შეზღუდვა ამერიკის შეიარაღებული ძალების შემადგენლობაში ტრანსგენდერი ადამიანების სამსახურის შესახებ;
► საერთაშორისო კოსმოსურ სადგურზე მიერთების სისტემის მექანიკურ რეჟიმში გამოცდა განხორციელდა. რუსეთის სატვირთო კოსმოსური ხომალდი დროებით მოეხსნა სადგურს და ერთი საათის შემდეგ ისევ მიუერთდა მას;
► 5 წლის წინ კოსმოსურ ექსპედიციაში გაშვებული ხომალდი "ჯუნო" იუპიტერს მიუახლოვდა. 3.5 მილიარდი კილომეტრის გავლის შემდეგ, საფრენი აპარატი იუპიტერს მაქსიმალურად მიუახლოვდება და მისი ზედაპირის სკანირებას დაიწყებს.