საარჩევნო კანონმდებლობაში დაგეგმილი ცვლილებების პროექტის განხილვას პარლამენტის პლენარულ სხდომაზე, პარლამენტის თავმჯდომარესა და იუსტიციის მინისტრის მოადგილეს შეორის შეკამათება მოხდა. დავით უსუფაშვილის გაღიზიანება ბარამიძის შეკითხვამ გამოიწვია, რაზეც უსუფაშვილმა განაცხადა, რომ პარლამენტში კითხვებს დეპუტატები სვამენ და არა - პირიქით : - ”ბატონო ალექსანდრე, აქ კითხვებს პარლამენტის წევრები სვამენ. თქვენ აქ იმიტომ ბრძანდებით, რომ პასუხები გასცეთ და არა სანაცვლო კითხვები დასვათ, ფრაქცია თუ პარლამენტის წევრები, ვინ როდის მისცემს ხმას. ძალიან გთხოვთ კორექტულობა დაიცვათ მაგ ტრიბუნიდან. რა კითხვაა ეს?! აქ, ოთხი წლის განმავლობაში, მომხსენებლებიდან არავის არც ერთი პარლამენტის წევრისთვის ასეთი კითხვა არ დაუსვამს”, - განაცხადა დავით უსუფაშვილმა.
შეკამათება პროექტის იმ ნაწილს მოჰყვა, რომელიც საარჩევნო უბნის მიმდებარე ტერიტორიაზე, აუცილებლობის შემთხვევაში, საზოგადოებრივი წესრიგის დაცვის მიზნით, პოლიციელთა ყოფნას ითვალისწინებს.