ინფორამციას, რომ ეკონომიკის სამინისტროს დაქვემდებარებაში მყოფი წყნეთის აგარაკების გაქირავების პროცესი შეჩერებულია, ეკონომიკის მინისტრი ადასტურებს. დიმიტრი ქუმსიშვილის თქმით, აგარაკები იყიდება და დაინტერესებული ინვესტორიც უკვე გამოჩნდა. თუმცა აღსანიშნავია, რომ აგარაკების გასხვისებაზე საჯარო აუქციონი გამოცხადებული არ არის. იქ მცხოვრებ მოიჯარეთა ნაწილის თქმით კი, მათი კონტრაქტები შეწყდა, რის გამოც ტერიტორიის სამ დღეში დატოვების ულტიმატუმი წაუყენეს. ტაბულას ინფორმაციით, აგარაკების კვლავ სამთავრობო ზონად გარდაქმნა იგეგმება. ქუმსიშვილი ამბობს, რომ ერთადერთი ვინც აგარაკების ქირაობით არის დაინტერესებული ტაბულას დირექტორი თამარ ჩერგოლეიშვილია.
აღსანიშნავია, რომ წინა ხელისუფლების დროს, მთავრობის წევრების მიერ აგარაკებით სარგებლობა მოქმედი ხელისუფლების მკაცრ კრიტიკას იმსახურებდა.