► უგანდის მთიან რეგიონებში სასწრაფო დახმარების ახალი სერვისი ამოქმედდა - პაციენტები საავადმყოფოებში სამთვლიანი მოტოციკლეტებით გადაჰყავთ;
► დასავლეთ საჰარის არაღიარებული ტერიტორიის, ე.წ. პოლისარიოს ფრონტის ლიდერი, მოჰამედ აბდელაზიზი გარდაიცვალა;
► ერაყის სამთავრობო ძალები ფალუჯას სამხრეთ მისადგომების შტურმს განაგრძობენ - ე.წ. ისლამური სახელმწიფოს მებრძოლები პარტიზანული მეთოდებით მოქმედებენ, ამონტაჟებენ ასაფეთქებელ ხაფანგებს და ცოცხალ ფარად იყენებენ ბლოკირებულ მშვიდობიან მოსახლეობას;
► ჩინეთი დედამიწის ორბიტაზე პირველი კვანტური საკომუნიკაციო სატელიტის გასაშვებად ემზადება - თანამგზავრი რევოლუციური ტექნოლოგიების გამოყენებითაა აწყობილი;
► სტამბულში საპროტესტო მოძრაობის გამართვიდან სამი წლისთავის აღსანიშნავად, დღეს ქუჩის გამოსვლები მოეწყო;
► 17 წელი მუშაობა და 11 მილიარდი ევრო - შვეიცარიაში მსოფლიოში ყველაზე გრძელი სარკინიგზო გვირაბის პრეზენტაცია გაიმართა.