საქართველოს დამოუკიდებლობის აღდგენის დღე, ისევე როგორც მთელ ქვეყანაში, ბოლნისის მუნიციპალიტეტშიც განსაკუთრებულად აღინიშნა. ტრადიციულად ბოლნისში დილიდან სხვადასხვა აქტივობები მოეწყო, რომელსაც ადგილობრივ ხელმძღვანელობასთან ერთად მხარის რწმუნებულ-გუბერნატორიც ესწრებოდა.
„გილოცავთ საქართველოს დამოუკიდებლობის აღდგენის დღეს! გისურვებთ აგხდენოდეთ ოცნება და გეცხოვროთ ერთიან, ძლიერ და გაბრწყინებულ საქართველოში! - ამ სიტყვებით მიმართა ბოლნისელებს მუნიციპალიტეტის გამგებელმა გოგი მეშველიანმა.
დილიდან მოეწყო სადღესასწაულო მსვლელობა, რომელშიც მონაწილეობდნენ სკოლის მოსწავლეები, ხელოვანები და სპორტსმენები. მსვლელობა ბოლნისის მუნიციპალიტეტის ადმინსიტრაციულ შენობასთან დასრულდა, სადაც გაიმართა ღონისძიება ადგილობრივი ანსამბლების მონაწილეობით. შესრულდა სპეციალურად ამ დღისთვის დადგმული ცეკვა „მხედრული“, რომელიც ქორეოგრაფიულმა ანსამბლმა ,,თამარიონმა” წარმოადგინა. ბოლნელმა მთავარეპისკოპოსმა ეფრემმა ჯარისკაცებს სიმბოლურად ბოლნური ჯვრები გადასცა საჩუქრად. ქალაქის ცენტრალურ ქუჩაზე გამოფენილი იყო საქართველოს დროშები, მოეწყო სახვითი და გამოყენებითი ნიმუშების, ხალხური რეწვის ისტატთა, ყვავილებისა და ბოლნისში მცხოვრები გერმანელი კოლონისტების ცხოვრების ამსახველი ფოტოების გამოფენა. პატარებისთვის ჩატარდა თოჯინების თეატრი. გაიმართა სპორტული აქტივობები. დღის ბოლოს კი კულტურის სახლის სცენაზე მაყურებელს მხატრულ-ქორეოგრაფიული კომპოზიცია ,,არის ასეთი ქვეყანა ” უჩვენეს.