უკრაინულ „იქს ფაქტორში“ კიდევ ერთმა ქართველმა მოიპოვა წარმატება.
გადაცემის შესარჩევ ტურში 16 წლის გიგი ადამაშვილმა მიიღო მონაწილეობა, ბობ დილანის Make you feel my love -ის საკუთარი ვერსია შეასრულა და ჟიურის მოწონება დაიმსახურა.

გიგის მიერ შესრულებული სიმღერის შემდეგ ჟიურის ერთ-ერთი წევრი სცენაზე ავიდა, ხელი ჩამოართვა და საკუთარი სიმპათია ასე გამოხატა.

გიგიმ ოთხი კი დაიმსახურა და შემდეგ ტურში გადავიდა, მის მიერ შესრულებული სიმღერის ვიდეოჩანაწერი კი ინტერნეტსივრცეში ძალიან პოპულარული გახდა.