ციფრულ მაუწყებლობაზე შეუფერხებლად გადასვლის მექანიზმების და ქართული გამოცდილების გაზიარების მიზნით რეგიონულ მაუწყებელთა ასოციაცია სომხური სატელევიზიო სივრცის და საკანონმდებლო ორგანოს წარმომადგენლებს მასპინძლობს. ერთკვირიანი ვიზიტის ფარგლებში სომეხი კოლეგებისათვის დღეს შეხვედრა საქართველოს კომუნიკაციების ეროვნულ კომისიაში გაიმართა, სადაც სტუმრების შეკითხვებს კომისიის წარმომადგენლებმა უპასუხეს. სომხეთი ციფრულ მაუწყებლობაზე 2016 წლის 1 იანვრამდე უნდა გადასულიყო თუმცა ხარვეზების გამო პროცესი ორჯერ გადაიდო.