ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ აშშ-ში, ქ. ვაშინგტონში ვიზიტისას კომენტარი გააკეთა კონგრესმენ ტედ პოს განცხადებაზე. “საგარეო ურთიერთობათა კომიტეტის წევრის და საქართველოს მეგობართა ჯგუფის ხელმძღვანელის ტედ პოს განცხადება ხაზს უსვამს იმ დემოკრატიულ რეფორმებს, ეკონომიკურ წინსვლას, რომელსაც ბოლო პერიოდში საქართველოში ქონდა ადგილი. საქართველოს პრემიერ-მინისტრის, საგარეო საქმეთა მინისტრობის დროს აშშ-ში ვიზიტისას დაფუძნდა ეს მეგობართა ჯგუფი რომელშიც უკვე 35 კონგრესმენია გაერთიანებული. ძალიან მნიშვნელოვანია რეგიონში არსებული გამოწვევბის ფონზე, ის პროგრესი, რომელსაც საქართველო აჩვენებს, რომელიც მისაბაძი ხდება რეგიონის ქვეყნებისთვის და ამის შესახებ უკვე აშშ-ს ჩვენი პარტნიორი გულშემატკივარი ქვეყნების, ასევე, ევროპული ინსტიტუტების მაღალი ტრიბუნიდანაც აღნიშნავენ.“-განაცხადა დავით ბაქრაძემ.
2016 წლის 11 მაისს, აშშ-ს წარმომადგენელთა პალატის 114-ე სესიის ფარგლებში საქართველოს თაობაზე მხარდამჭერი განცხადებით წარსდგა, აშშ-ის კონგრესში საქართველოს მეგობართა ჯგუფის თავმჯდომარე, კონგრესმენი ტედ პო. განცხადებაში ხაზგასმულია მსოფლიოში საქართველოს ლიდერობა თავისუფლებისა და დემოკრატიის სფეროში. კონგრესმენის განცხადებით, ბოლო 25 წლის განმავლობაში საქართველო ყველაზე უფრო თავისუფალი ქვეყანა გახდა რეგიონში. საქართველომ დიდ წარმატებას მიაღწია კარგი მმართველობის სფეროში; მან ასევე, განავითარა ეკონომიკა და მნიშვნელოვან პროგრესს მიაღწია დემოკრატიული საზოგადოების შენების პროცესში-ნათქვამია გამოსვლაში.