მე დავწვი ე.წ. ,,გეორგიევსკის ლენტი'', მაგრამ არ ვამბობ რომ ამით დიდი ვაჟკაცობა ჩავიდინე, უბრალოდ ამით სიმბოლურად გამოვხატე ჩემი დამოკიდებულება, ვაჟკაცობაა ის რაც ჩვენმა ვეტერანებმა გააკეთეს და ტყვიას შეუშვირეს შუბლი. უნდა დავაფასოთ ეს ადამიანები.

არასწორია, როცა ერთმანეთს მოღალატეებს და აგენტებს ვეძახით, ამის მხილება უნდა მოახდინოს სახელმწიფომ და არა ჩვენ ეთერებით. ჩემთვის დიდი პრობლემა არის ის, რომ ხელისუფლების წარმომადგენლები ღიად და დაუფარავად საუბრობენ ევროატლანტიკური სივრცის არაპერსპექტიულობაზე, აი აქ უნდა ვიყოთ ერთიანი და ერთიანი ძალით დავუპირისპირდეთ ანტისახელმწიფოებრივ პოზიციებს.