თბილისის ბოტანიკური ბაღის საკუთრებაში არსებული ოთხი ჰექტარი მიწის ნაკვეთი ახლა უკვე ივანიშვილის ქართუ ჯგუფის ერთ-ერთი კომპანიის, ოფშორში რეგისტრირებული ვიზელა ენთერპრაიზისის საკუთრებაა. სწორედ ამ ოფშორული კომპანიის საკუთრებაშია კომპანია ფინსერვის ოცდამეერთე, რომელიც ძველ თბილისში ბიძინა ივანიშვილის ქონებას ფლობს. გასხვისებულ მიწის ნაკვეთს სტატუსი შეეცვალა და იქ მრავალსართულიანი შენობის აშენება უკვე ნებადართულია. გასხვისებული ოთხი ჰექტარის სანაცვლოდ კი ბოტანიკურმა ბაღმა ალტერნატიული ფართი არა ივანიშვილისგან, არამედ ქალაქის მუნიციპალიტეტისგან მიიღო. ერთიანი ნაციონალური მოძრაობის წევრები მიწების გასხვისების მიზეზების გასარკვევად ბოტანიკური ბაღის ადმინისტრაციაში იმყოფებობდნენ, რასაც მათსა და ბაღის დირექტორ თამაზ დარჩიძეს შორის სიტყვიერი დაპირისპირება მოჰყვა. ნაციონალური მოძრაობის წევრთა შეფასებით, ბაღის დირექტორის გადაწყვეტილება უკანონო იყო.ოპოზიცია კიდევ ერთ აუქციონზე საუბრობს, რომელიც უახლოეს მომავალშიუნდა შედგეს და რომელზეც მერია კრწანისის შინდისის დამაკავშირებელი გზის მონაკვეთის მიმდებარე 29 ჰექტარის ფართობის მიწის გაყიდვას გეგმავს. მიწის ეს მონაკვეთი ბოტანიკური ბაღის ყოფილ ტერიტორიას ესაზღვრება, ამ მონაკვეთების საერთო ფართობი კი 33 ჰექტარია.