პრემიერს და პარლამენტის თავმჯდომარეს არასამთავრობოები შეხვედრას და საკუთარი ინიციატივების გაცნობას სთავაზობენ. პარალელურად კი პროექტების გაცნობას პოლიტიკურ პარტიებთან აგრძელებენ და დღეს მორიგი შეხვედრა „ეროვნული ფორუმის“ დეპუტატებთან გაიმართა, თუმცა შეხვედრის შემდეგ ითქვა, რომ გარკვეული საკითხები დასაზუსტებელია, რაც მორიგ შეხვედრაზე მოხდება. ხოლო ინიციატივას, რომელიც მოსმენების საკითხზე ე.წ. ორგასაღებიანი სისტემის ცვლილებას ეხება, არასამთავრობოები დღეს პერსონალურ მონაცემთა დაცვის ინსპექტორს აცნობდნენ.