ტელეკომპანია იმედის ყოფილი თანამშრომელი, თათია სამხარაძე სექსუალური ხასიათის შევიწროებისთვის ტელეწამყვან შალვა რამიშვილის წინააღმდეგ სასამართლოში სარჩელის შეტანას გეგმავს. ამასთან დაკავშირებით დღეს სამხარაძემ ფონდ ”ღია საზოგადოება საქართველოს” ოფისში ქალთა მოძრაობის წევრებთან ერთად პრესკონფერენცია გამართა. პრესკონფერენციაზე სამხარაძემ აუდიოჩანაწერის შესახებ ისაუბრა, სადაც, მისი მტკიცებით, შალვა რამიშვილი ემუქრება, რომ თუ არ დათანხმდება „თანაცხოვრებაზე", მოიუწევს იმედიდან წასვლა და ვერც რომელიმე სხვა ტელეკომპანიაში შეძლებს მუშაობას. თათია სამხარაძის თქმით, აუდიო ჩანაწერი ამჟამად ლევან სამხარაულის სახელობის სასამართლო ექსპერტიზის ეროვნულ ბიუროში, ავთენტურობის დასადგენად არის გაგზავნილი.
თავის მხრივ შალვა რამიშვილი უარყოფს თათია სამხარაძის ბრალდებებს. საკუთარი რეპუტაციის და უფლებების დაცვას რამიშვილი სასამართლოში აპირებს. ტელეწამყვანი დღეს მთავარ პროკურატურაში მივიდა. რამიშვილის თქმით, ცილისწამებაზე საქმის ძიება 6 აპრილს მის მიერ შეტანილი განცხადების საფუძველზე დაიწყო.