“გაზპრომთან” ხელშეკრულება აღარ შეიცვლება. დღეს ცნობილი გახდა, რომ რუსულ კომპანიასთან მოლაპარაკებები, რომელიც ხელისუფლების ოპონენტებისა და სამოქალაქო სექტორის პროტესტის ფონზე მიმდინარეობდა, ქართული მხარის ინტერესების სასარგებლოდ დასრულდა. ანუ, პირობები არ იცვლება. საქართველო სომხეთში რუსული გაზის ტრანზიტის სანაცვლოდ ისევ ბუნებრივი აირის 10 პროცენტს მიიღებს. ასეთი შედეგით “გაზპრომთან” მოლაპარაკებებში ერთწლიანი პაუზა დგება. ხელშეკრულება, რომელიც რუსულ კომპანიასთან ერთი წლის ვადით უნდა გაფორმდეს, ხვალ მთავრობის სხდომაზე განიხილება.