ე.წ. პანამის დოკუმენტების სკანდალი ისევ გრძელდება. გამჟღავნებულ 11 მილიონ დოკუმენტზე გამოძიება არაერთმა დასავლურმა ქვეყანამ დაიწყო. საერთაშორისო მედიის ინფრომაციით, დოკუმენტების შესწავლა უკვე დაიწყო ამერიკის შეერთებულმა შტატებმა, ასევე შვეიცარიამაც. საერთაშორისო ჟურნალისტური გამოძიების მასალების გასაჯაროების შემდეგ ისლანდიაში დაწყებულმა მასობრივმა პროტესტმა პრემიერ-მინისტრის გადადგომა გამოიწვია. როგორ გრძელდება ე.წ პანამაგეიტი - როგორც მას საერთაშორისო მედიამ უწოდა.