ე.წ. პანამის დოკუმენტები -ჟურნალისტური გამოძიება, რომელიც ოფშორებში რეგისტრირებული კომპანიების და მათი რეალური მფლობელების შესახებ ინფორმაციას ავრცელებს. ამ პირებს შორის არიან ხვადასხვა ქვეყნის ყოფილი და მოქმედი ლიდერები. მათ შორისაა ბიძინა ივანიშვილი და კომპანია „ლინდენ მენეჯმენტი“, როგორც მისი ბენეფიციარი მესაკუთრე. ამ კომპანიაზე, იურიდიულ ფირმა „მოსაკ ფონესკას“, რომელმაც ეს კომპანია ბრიტანული ვიჯინიის კუნძულებზე დაარეგისტრირა, ვირჯინიის კუნძულების საფინანსო სამსახურმა მისწერა და კომპანიის მფლობელების და მისი საქმიანობით დაინტერესდა. სწორედ ამ იურიდიული ფირმის მიერ გაგზავნილ დოკუმენტშია ბიძინა ივანიშვილი მოხსენიებული, როგორც ბენეფიციარი მესაკუთრე. ეს კომპანია ივანიშვილის ქონებრივ დეკლარაციაში არ მოხვდა, თუმცა როგორც მისი ბიზნესპარტნიორი ამბობს,ივანიშვილი არ იყო ვალდებული ამ კომპანიაზე დეკლარაციაში ჩაეწერა, რადგან კანონმდებლობა ტერმინს - ბენეფიციარი, მესაკუთრეს და ბენეფიციურ ფლობას არ ითვალისწინებს.