ევროსაბჭოს ექსპერტმა ენობრივი პოლიტიკის საკითხებში, დევიდ ნიუბიმ, მასწავლებელთა პროფესიული განვითარების ეროვნულ ცენტრში პრეზენტაცია "უცხოური ენების სწავლების თანამედროვე ევროპული ტენდენციები: მულტიკულტურული მიდგომა" გამართა.
მომხსენებელი მასწავლებლებს მრავალენოვან გარემოში მუშაობის სპეციფიკასა და მეთოდებზე ესაუბრა, რომელიც ენის სწავლებაში მულტიკულტურული ასპექტების გათვალისწინებას და გაძლიერებას შეუწყობს ხელს. ნიუბის განმარტებით, ენის შესწავლისას მნიშვნელოვანია მასწავლებელმა მოსწავლეს არამარტო ენა შეასწავლოს, არამედ უცხოურ ენაზე კომუნიკაციისას კულტურული სხვაობის გააზრებაშიც შეუწყოს ხელი.
შეხვედრას უცხოური ენების 100-მდე მასწავლებელი ესწრებოდა.
დევიდ ნიუბი: შეხვედრა მოიცავს ისეთ საკითხებს, როგორიცაა მულტიკულტურული მიდგომა სწავლების პროცესში და ის თუ როგორ უნდა იმუშაოს მასწავლებელმა მრავალფეროვან გარემოში. რა უნარ ჩვევები სჭირდება მას, რომ მოსწავლეს ასწავლოს არამარტო უცხოური ენა, არამედ შეძლონ კომუნიკაცია მულტიკულტურული საპექტების გათვალისწინებით.