სტუდენტების რამდენიმედღიანი პროტესტის შემდეგ, თსუ-ს კანცლერობის კანდიდატმა გიორგი გაფრინდაშვილმა საკუთარი კანდიდატურა მოხსნა. მისი თქმით, უკან დახევის გადაწყვეტილება უნივერსიტეტში შექმნილი უმართავი ვითარების გამო მიიღო.
გაფრინდაშვილის გადაწყვეტილების გამოცხადების შემდეგ, უნივერსიტეტის თვითმმართველობის წევრებმა რექტორ ვლადიმერ პაპავას თანამდებობიდან გადადგომა მოითხოვეს. დღის განმავლობაში ვითარება რამდენჯერმე დაიძაბა. რექტორის კაბინეტთან შეკრებილი სტუდენტები და თვითმმართველობის წევრები ერთმანეთს ჯერ ფიზიკურად, შემდეგ კი სიტყვიერად დაუპირისპირდნენ.