- თავისუფალი დემოკრატების გენერალური მდივანი ალექსი პეტრიაშვილი საბურთალოს პანთეონის ძმათა სასაფლაოზე, დღეს ცეცხლსასროლი იარაღით დაჭრეს. შსს-მ გამოძიება ჯანმრთელობის განზრახ მძიმე დაზიანების მუხლით დაიწყო. სამართალდამცავთა ინფორმაციით, პეტრიაშვილი ადგილზე სამ მეგობართან ერთად იმყოფებოდა. დაჭრილს რესპუბლიკურ საავადმყოფოში ოპერაცია ჩაუტარდა. ექიმის ცნობით, მას სამი ცეცხლსასროლი ჭრილობა აქვს ქვედა კიდურების არეში, ასევე მიღებული აქვს დაზიანება თავის არეში. ალექსი პეტრიაშვილის მდგომარეობა ამ დროისთვის სტაბილურია.